بەپێی هەواڵی کوردپرێس، وەزارەتی ناوخۆی حکوومەتی هەرێمی کوردستان بەیانی ژمارە 57ی سەبارەت بە رێکاری نوێی رووبەرووبوونەوەی ڤایروسی کۆرونا بڵاو کردەوە و رایگەیاند: لە 2020/12/24 تاوەکوو 2021/01/15 قەدەخەی گەشت کردنی هاوڵاتیانی عێراقی بۆ بریتانیا و 7 وڵاتی دیکە و هاتنی هاوڵاتیانی ئەو وڵاتانە دەخرێتە بواری جێبەجێ کردنەوە و ئەو کەسانەی لەو ماوەیەدا دەگەڕێنەوە لەسەر ئەرکی خۆیان کەرەنتین دەکرێن.

ئەوەش هاتووە، لەو ماوەیەدا دەروازە سنوورییەکانی حاجی ئۆمەران، باشماخ و پەروێزخان بەڕووی گەشتیاراندا دادەخرێن و جووڵەی بازرگانی بەردەوام دەبێت، هەروەها هەموو گردبوونەوە، کۆنفرانس و کۆبوونەویێکیش قەدەخە دەکرێت و پێویستە شوێنە گشتییەکانی وەک مارکێت، ریستورانت و شوێنە بازرگانییەکان هاوڵاتیان پابەندبکەن بەبەستی دەمامک و خۆپارێزی، بەپێچەوانەوە رووبەڕووی یاسا دەکرێنەوە و سزا دەدرێن.

لەراگەیەنراوەکەی وەزارەتی ناوخۆدا هاتووە، سازکردنی ئاهەنگی سەری ساڵ قەدەخەیە و هەرشوێنێک یان هۆتێل و کافتریاییێک و مۆڵەکان ئانگ سازبکات بەبڕی  10 ملیۆن دینار سزادەدرێت، بڕیاری داخستنی شوێنە گشتییەکانیش لەکاتژمێر 12:00ی ئەم شەوەوە تا رۆژی 15ی مانگی داهاتوو بەردەوام دەبن.

کۆدی هەواڵنێر: 60113