 | TUESDAY, 22 DECEMBER 2020 - 11:29 دادگای مافی مرۆڤی ئەورووپا لەسەر دەمیرتاش دێتەوە دەنگ بەشی جیهان- بڕیارە ئەمڕۆ سێشەممە ٢٢ی ١٢ی ٢٠٢٠ دادگای مافی مرۆڤی ئەورووپا لە دانیشتنی خۆیدا دووبارە بڕیار لەسەر دۆسیەی سەلاحەدین دەمیرتاش هاوسەرۆكی پێشووی هەدەپە بدات. |
بەپێی هەواڵی کوردپرێس، پێشتر لە ٢٠ی تشرینی دووەمی ٢٠١٨ هەمان دادگا داوای لە توركیا كرد دەمیرتاش ئازاد بكات، "چوونكە ئەو بەڵگە و تۆمەتانەی دراونەتە پاڵی بێ بنەمان".
بەڵام ئەوكات رەجەب تەیب ئەردۆغان سەركۆماری توركیا گوتی: "ئێمە گوێ بە بڕیاری دادگای مافی مرۆڤی ئەورووپا نادەین".
ئەگەرچی توركیا ئەندامی دادگای مافی مرۆڤی ئەورووپایە و پێشتریش چەندین دۆسیەی لە بەرژەوەندیی توركیا یەكلایی كردووەتەوە، بەڵام ئێستا توركیا حیساب بۆ ئەو دادگایەش ناكات.
ئەگەر بێت و ئەمڕۆ دادگای مافی مرۆڤی ئەورووپا بڕیاری ئازادكردنی دەمیرتاش بدات، دەبێتە دووەم جار کە بڕیاری ئازادكردنی دەدات، بەڵام ئەگەر زۆرە توركیا دیسان رەتی بكاتەوە.
کۆدی هەواڵنێر: 60113
نوێنەری ئیدارەی خۆسەری کوردستانی سووریا لە هەولێر، تایبەت بۆ کوردپرێس:
ئەندامێکی پارتی دیموکراتی کوردستانی سووریا تایبەت بۆ کوردپرێس:
